16/05/2013 14:23:56

Të menaxhojmë hipokritët agresiv

nga Doriana Metollari

Hermesnews - Kur njeriu adopton si sjellje të qëni jashtë vetvetes, përherë dhe në shumë situata, hipokrizia është e vetmja formë me të cilën ai identifikohet në ambjent, plus që kur i shtohet dhe një dozë e mirë pasigurie kthehet dhe agresivitet.

Eshtë një maskë prej "1 milion dollarësh" hipokrizia kur i siguron reputacion, apo kur i jep mundësinë t'i imponohet të tjerëve dhe pa të drejtë, sepse kjo është dhe rruga drejt pushtetit.

Vesi i të qënit hipokrit kthehet në aleatin më të mirë, zë vend të rëndësishëm brenda njeriut, sepse në një farë mënyrë zëvendëson atë që ai mund të jetë, binjakun e tij që hesht diku i ndrojtur dhe i parritur.

Hipokrizia i ka të gjithë rival dhe nuk ka miq, sepse jeton me maninë e të qënit superior ndaj kujtdo, por ka, le të themi dobësi dhe njëra prej tyre është dinjiteti.

Hipokritët nuk i shohin dot me sy njerëzit dinjitozë, ata që kanë forcën t'i thonë në sy të vërtetat dhe kërkojnë t'i dominojnë për t'i bërë të heshtin. Një formë menaxhimi është t'u vini para një si vetja e tyre. Një tjetër që ka po të njëjtat principe. Pas kësaj shijoni skenën që keni para syve.

Eshtë interesante kur shikon sesi grinden dy hipokritë-agresivë, mund të mësoni shumë, por mos bëni gabim të humbisni objektivin dhe nëse e gjitha kjo ju tërheq. Nuk jeni me pushime.

Përfitoni nga hapësira që një hipokrit nuk mund t'ua kontrollojë kurrë.

Zgjuarsia, durimi dhe buzëqeshja.

Të gjithë kanë te drejte të gatuajnë çorbën e vet, por meqë kjo nuk është e juaja, nuk keni pse zieni brenda saj.

HermesNews - ©2013

Dërgo me email | Stampo artikullin